Real Madridi tashmë ka mposhtur Barcelonën në garën për nënshkrimin e spanjollit të shumëvlerësuar, Dani Ceballos.

Mesfushori i Spanjës U21 do t’i bashkohet ‘Los Blancos’ nga Real Betisi për një marrëveshje gjashtë vjeçare pas refuzimit për transferim te klubi në Camp Nou, transmeton portali arbresh.info.

Barcelona mund të humbas gjithashtu garën për një tjetër mesfushor ndaj rivalit në ‘El Clasico’.

Barcelona është shfaqur favorit për të nënshkruar me ish mesfushorin e Tottenhamit, Paulinho, nga klubi kinez Guangzhou Evergrande, por sipas një raporti nga gazeta ‘Mundo Deportivo’, gjërat duket se janë duke ndryshuar.

Gazeta e lartpërmendur spanjolle pretendon që Real Madridi mund të siguroj me lehtësi transferimin e Guangzhous për shkak të lidhjeve të presidentit të klubit me Super Ligën e Kinës.

‘Mundo’ raporton madje që pronari i Real Madridit, Florentino Perez, dhe presidenti i Guangzhous, Xu Jiyain, janë shokë të afërt./arbresh.info